martes, 10 de marzo de 2020


ASOCIACION CULTURAL VAL DO TEA
Nota de prensa

Mañan mércores 11 de marzo e auspiciadas pola Asociación do patrimonio cultural val do Tea,   terá lugar a primeira dunha xeira de visitas os centros educativos de primaria, secundaria e bacharelato  de Ponteareas.

A “asociación do patrimonio cultural val do tea” ven de colaborar coas primeiras xornadas sobre patrimonio do condado, celebradas a pasada semana no museo de Ponteareas. Seguindo a nosa filosofía de colaborar  e divulgar o patrimonio do concello de Ponteareas e do Val do Tea, iniciamos mañan mercores 11 de marzo a primeira dunha xeira de visitas os centros educativos de primaria, secundaria e bacharelato  de Ponteareas, visitas que iremos extendendo os diferentes concellos que forman o Val do Tea. Nesta primeira visita o secretario da Asociación Val do Tea, Sebastián Merino Carrera, estará no CEIP Mestre Ramiro Sabell Mosquera de Ponteareas onde lles proxectara aos estudantes de 6º de Primaria o documental inédito  “O Castro de Troña no Tempo “.
Os nenos e nenas terán a oportunidade de coñecer a labor de divulgación e posta en valor que fai a Asociación Val do Tea en prol do noso patrimonio, así como o equipo de docentes dos centros escolares, os que animamos a que sigan  ensinando  o valor do noso patrimonio.
E imposible protexer ningún patrimonio se non o coñecemos.

Sebastián Merino Carrera
Secretario da Asociación do Patrimonio Cultural Val do Tea
 

domingo, 8 de marzo de 2020


A posta en valor do Patrimonio

Nos últimos tempos vén aparecendo a cotío nos medios de comunicación numerosas novas sobre agresións ao patrimonio cultural en toda a xeografía galega. Mámoas, castros, cruceiros, petróglifos e moitos outros elementos singulares sofren o desleixo das diferentes administracións e da barbarie de xentes que carecen da máis mínima sensibilidade ou descoñecen o verdadeiro valor daquilo que destrúen.

Estas agresións vense repetindo dende hai moitos anos sen que ningún organismo tome as medidas pertinentes para a súa conservación, medidas que tan só suporían, as máis das veces, o investimento de cantidades ínfimas de diñeiro en comparanza co que se destina, por exemplo, a promocionar o Camiño de Santiago.

Por outra banda, a posta en valor do noso patrimonio material e inmaterial significaría non só un recoñecemento ao labor dos nosos devanceiros, que levantaron durante séculos construcións que aínda hoxe seguen a prestar un servizo -tal é o caso dos muiños, fontes, hórreos, levadas...-, senon que serviría para atraer un turismo que non só busca a consabida festa gastronómica, senon eses elementos da cultura popular que pola súa autenticidade dotan a un pobo dunha idiosincrasia particular e irrepetible. Sen falar de elementos como os castros, mámoas, petróglifos, cruceiros e un longo etcétera de pequenos e grandes monumentos que nos convirten nun dos países con maior patrimonio de Europa.

Se nos referimos ao caso particular de Ponteareas, subliñar que o val do Tea aínda conserva moitos bens patrimoniais de gran interese e importancia, pese a gran destrución rexistrada nas últimas décadas. A súa divulgación, de cara a unha toma de conciencia, levou ao concello a organizar as I Xornadas sobre Patrimonio do Condado, nas que se deron cita especialistas en distintas áreas da nosa cultura popular, entre eles o vicepresidente da Asociación do Patrimonio Cultural Val do Tea, Arístides Carrera Lorenzo, quen disertou sobre os fosos de Guláns e a súa contorna, coa proxección dun interesante vídeo.
Non obstante, aínda queda moito por facer, tanto en relación ao estudo do patrimonio como á divulgación da necesidade de conservar e valorar unha cultura que naceu do pobo e que nos pertence a todos. E sobre todo porque constitúe un sinal de identidade do que somos e nos define como unha das culturas máis antigas de Europa.
Manuel Blanco

sábado, 21 de diciembre de 2019

CALENDARIO DOS RANCHOS DE REIS NO CONDADO


O sol morre no solsticio de inverno para voltar nacer, coller forza e facer crecer os días. No noso calendario actual isto é entre o 21 e o 23 de decembro, polo que comeza o ciclo invernal e súas festas e rituais solares, danzas e mascaradas, máis coñecidas como festas de Entroido.

Na nosa terra do Condado, gardamos un importantísimo e riquísimo legado, pouco coñecido e valorado, pero totalmente relacionado con estas festas e ritos. Pero non só O Condado e terra de Ranchos de Reis, tamén existen noutros muitos lugares do noroeste e Europa nas mesmas datas de inverno, pero aquí vos imos mostrar as datas nas que actúan os sete ranchos que actualmente inda tocan e bailan na bisbarra, inda que no pasado chegou a haber ate varios por parroquia.

Este é o preludio e anticipo dun traballo máis amplo que estamos desenrolando e facendo dende a Asociación Patrimonial e Cultural Val do Tea, esperemos que sexan muitos os visitantes que veñan e coñezan estas antigas danzas e tradición. 

DECEMBRO


DÍA

22 - PONTEAREAS, II FESTIVAL DANZA DE REIS INTERNACIONAL(AS 17:00)
     RANCHO DE OLIVEIRA
     RANCHO DE FOZARA
     RANCHO DE GULANS
     RANCHO DE RÍO FRÍO
     GF BARCELINHOS (PORTUGAL)
29 - RIBADETEA (PONTEAREAS), DESPOIS DA MISA (13:00)
     RANCHO DE FOZARA
Foto do Rancho de Reis o 5 de xaneiro do ano 1926.

    - SALCEDA, XUNTANZA DE RANCHOS DE REIS
     RANCHO DE REIS SANTA MARÍA DE SALCEDA
    RANCHO DE REIS DE GULÁNS

Rancho de Reis de Santa María de Salceda


XANEIRO
  
DÍA

5 - PONTEAREAS, DESFILE CABALGATA DE REIS
     RANCHO DE FOZARA
     RANCHO DE OLIVEIRA
     RANCHO DE GULÁNS

Rancho de Reis de Fozara


   -  MONDARIZ, DESFILE CABALGATA DE REIS
    RANCHO DE RÍO FRÍO
Rancho de Río Frío

     LOURIDO (SALVATERRA)
     RANCHO DE REIS DE LOURIDO

     FORNELOS DA RIBEIRA (SALVATERRA)
    RANCHO DE REIS DE LOURIDO
    
     VILACOBA (SALVATERRA)
     RANCHO DE REIS DE LOURIDO

    MOREIRA (PONTEAREAS)

    RANCHO DE REIS DE LOURIDO
6 -  REDONDELA, POLA MAÑÁ, RANCHO DE CORTELLAS
       GULÁNS (PONTEAREAS), RANCHO DE GULÁNS
       CORTELLAS (PONTEAREAS), RANCHO DAS CORTELLAS
       FOZARA (PONTEAREAS), RANCHO DE FOZARA
      OLIVEIRA (PONTEAREAS) RANCHO DE OLIVEIRA
      RÍO FRÍO (MONDARIZ), RANCHO DE RÍO FRIO
      LIRA (SALVATERRA), RANCHO DE LIRA

Rancho das Cortellas

7 - GULÁNS (PONTEAREAS), SAN JUALIÁN, RANCHO DE GULÁNS

Rancho de Reis de Guláns

miércoles, 23 de octubre de 2019

Actividades

IV XORNADA DE IRMANDADE entre Ponteareas e Mós.
Andaina para coñecer e promocionar os valores arqueolóxicos e paisaxísticos da nosa #SerradoGalleiro.
Sáida ás 10 da mañán dende os puntos de saída habituais, en Mós dende o parque da Penacova #FestadaPrehistoria. Os participantes deberán levar o xantar que faremos nas covas graníticas de #AsVarandas. Visitaremos a Mámoa do Salgueirón, a Verea ou Camiño Real o mirador da Caseta, o labirinto granítico das Varandas, a torre medieval do #CasteloGrande, o Foxo do Lobo de Mós, os penedos do Franquiño e a Chan da Hermida, onde se localizaron varios achados do calcolítico.